Ռազմավարական հաղորդակցությունները թվային և AI դարաշրջանում

Դասընթացը տեղի կունենա հոկտեմբերի 28-ին և 29-ին (ժամը՝ 18։30-21։00), որի ավարտին ՀՀ ՊԵԿ «Ուսումնական կենտրոն»-ի կողմից կտրվի հավաստագիր։

Թվային և արհեստական բանականության (AI) արագ զարգացող միջավայրում արդյունավետ հաղորդակցությունը պահանջում է ոչ միայն հստակ և նպատակային հաղորդագրություններ, այլև տեղեկատվական գերհագեցվածության, ապատեղեկատվության, մանիպուլյացիայի և ալգորիթմների ազդեցության պայմաններում կողմնորոշվելու կարողություն։

Դասընթացի ընթացքում մասնակիցները կծանոթանան ռազմավարական հաղորդակցության ժամանակակից մոտեցումներին, կքննարկեն վստահության և հեղինակության ձևավորման, տարբեր լսարանների հետ արդյունավետ հաղորդակցության և թվային միջավայրում տեսանելիության ապահովման սկզբունքները։

Դասընթացը նախատեսված է բոլոր նրանց համար, ովքեր ցանկանում են ավելի արդյունավետ կառուցել մասնագիտական հաղորդակցությունը, մշակել նպատակային բովանդակություն և կողմնորոշվել թվային ու AI միջավայրի նոր հնարավորությունների ու մարտահրավերների պայմաններում։

Դասընթացի արդյունքում մասնակիցները կկարողանան՝
• կառուցել հաղորդակցություն՝ հաշվի առնելով նպատակը, լսարանը և հաղորդակցության միջավայրը,
• տարբերակել ապատեղեկատվության, տեղեկատվական մանիպուլյացիայի և լեզվական ազդեցության հիմնական մեխանիզմները,
• գնահատել ալգորիթմների ազդեցությունը տեղեկատվության տեսանելիության, տարածման և ընկալման վրա,
• հասկանալ SEO-ից GEO անցման տրամաբանությունը և AI միջավայրում բրենդի տեսանելիության հիմնական սկզբունքները,
• գնահատել AI գործիքների կիրառման հնարավորություններն ու սահմանափակումները և կիրառել դրանք պատասխանատու ու էթիկական եղանակով,
• կառուցել արդյունավետ գործարար գրավոր և թվային բովանդակություն՝ պահպանելով հստակությունը, հակիրճությունը և գործարար էթիկետը։

Դասընթացը ներառում է իրական և պայմանական դեպքերի վերլուծություն, խմբային քննարկումներ, գործնական առաջադրանքներ և AI գործիքների կիրառման օրինակներ, որոնք մասնակիցներին հնարավորություն կտան ձեռք բերված գիտելիքներն ու հմտությունները կիրառել իրենց մասնագիտական գործունեության ընթացքում։