ԱԲ գործակալի ստեղծում որպես անձնական օգնական

Դասընթացը տեղի կունենա 2026 թվականի նոյեմբերի 10-ին (ժամը՝ 18:30-21:45), որի ավարտին ՀՀ ՊԵԿ «Ուսումնական կենտրոն»-ի կողմից կտրվի հավաստագիր։

Արհեստական բանականության գործակալները (AI Agents) ժամանակակից թվային օգնականներ են, որոնք կարող են մշակել տեղեկատվություն, աջակցել որոշումների կայացմանը և ավտոմատացնել տարբեր առաջադրանքներ։ Դրանց կիրառումը հնարավորություն է տալիս խնայել ժամանակ, պարզեցնել առօրյա գործընթացները և կենտրոնանալ առավել կարևոր խնդիրների վրա։

Թվային գործիքների զարգացման շնորհիվ նման օգնականներ ստեղծելու համար այլևս պարտադիր չէ ունենալ ծրագրավորման գիտելիքներ կամ տեխնիկական խորը պատրաստվածություն։

Դասընթացը գործնական ուղղվածություն ունի և հնարավորություն է տալիս քայլ առ քայլ ստեղծել սեփական ԱԲ գործակալը՝ հարմարեցնելով անհատական կարիքներին։ Այն նախատեսված է բոլոր նրանց համար, ովքեր ցանկանում են կիրառել արհեստական բանականության հնարավորությունները և արդյունավետ օգտագործել ժամանակակից թվային գործիքները առօրյա կամ մասնագիտական գործունեության մեջ։

Մասնակիցների քանակը սահմանափակ է՝ առավելագույնը 5 հոգի, ինչը հնարավորություն է տալիս ապահովել անհատական մոտեցում և գործնական աշխատանք յուրաքանչյուր մասնակցի հետ։

Արդյունքում մասնակիցները կկարողանան՝

• ստեղծել և կարգավորել սեփական ԱԲ գործակալը (AI Agent),
• սահմանել և հարմարեցնել գործակալի գործառույթները կոնկրետ կարիքներին համապատասխան,
• կիրառել AI Agent-ներ տեղեկատվության հավաքագրման, մշակման և կազմակերպման համար,
• ավտոմատացնել առանձին առաջադրանքներ և գործընթացներ,
• արդյունավետ օգտագործել ստեղծված թվային օգնականը առօրյա և մասնագիտական գործունեության ընթացքում։