Խնդրից դեպի արդյունավետ լուծում

Դասընթացը տեղի կունենա հոկտեմբերի 27-ին (ժամը՝ 18:30-21:45), որի ավարտին ՀՀ ՊԵԿ «Ուսումնական կենտրոն»-ի կողմից կտրվի հավաստագիր։

Աշխատանքային միջավայրում խնդիրների արդյունավետ լուծումը պահանջում է ոչ միայն արագ արձագանք, այլև իրավիճակի խորքային ըմբռնում։
Դասընթացի ընթացքում մասնակիցները կծանոթանան խնդիրների հստակ ձևակերպման, պատճառահետևանքային կապերի բացահայտման, արմատական պատճառների վերլուծության, ինչպես նաև լուծումների մշակման, գնահատման և ընտրության ժամանակակից մեթոդներին։

Առանձնակի ուշադրություն կդարձվի ախտանիշների և հիմնարար պատճառների տարբերակմանը, տվյալների և փաստերի վրա հիմնված վերլուծությանը, ինչպես նաև բարդ իրավիճակներում համակարգված ու կառուցվածքային մտածողության կիրառմանը։

Նախատեսված է բոլոր այն մասնագետների, ղեկավարների, ծրագրերի համակարգողների համար, ովքեր իրենց աշխատանքում հաճախ առնչվում են բարդ իրավիճակների, փոփոխությունների կառավարման, գործընթացների բարելավման և արդյունավետ լուծումների մշակման անհրաժեշտությանը։

Դասընթացի արդյունքում մասնակիցները կկարողանան՝
• ճիշտ սահմանել և ձևակերպել խնդիրները,
• բացահայտել խնդիրների հիմնական պատճառները,
• տարբերակել ախտանիշները և իրական պատճառները,
• մշակել և գնահատել լուծումների տարբերակներ,
• ընդունել ավելի հիմնավորված և արդյունավետ որոշումներ,
• կանխել կրկնվող խնդիրների առաջացումը։

Դասընթացը ներառում է գործնական առաջադրանքներ և իրական աշխատանքային դեպքերի վերլուծություն, որոնք մասնակիցներին հնարավորություն կտան կիրառել ձեռք բերված գիտելիքներն ու գործիքները իրենց մասնագիտական գործունեության ընթացքում։