«Տեղեկատվական տեխնոլոգիաներ և թվային կառավարում» թեմայով դասընթաց
Թվային գործիքների կիրառությունը օրեցօր մեծ մասնաբաժին է զբաղեցնում մեր ամենօրյա աշխատանքում՝ այդպիսով դարձնելով տեղեկատվական տեխնոլոգիաների ազատ, անխափան և անվտանգ հասանելիությունը ավելի կարևոր, քան երբևէ:
Բնականաբար, այս փոփոխությունը պահանջում է, որ բոլորը հետևեն կիբերտարածքում թվային գործառույթների անվտանգ կիրառության պայմաններին, որով պայմանավորված, ՀՀ ՊԵԿ «Ուսումնական կենտրոն»-ում կազմակերպվող դասընթացների շարքում ներառված է «Տեղեկատվական տեխնոլոգիաներ և թվային կառավարում» թեմայով դասընթացը, որը հարկային և մաքսային ծառայության ղեկավար պաշտոններ զբաղեցնող պաշտոնատար անձանց համար վարեց կիբերանվտանգության մասնագետ Սամվել Մարտիրոսյանը։
Այս թեմայով դասընթացները հնարավորություն են տալիս ավելի լավ հասկանալու ռիսկերը, որոնց ենթարկվում են անհատները կիբերտարածքում և թե ինչպես անտեղյակությունը կամ անզգույշ գործողությունը կարող են խնդիրներ առաջացնել ոչ միայն օգտատերերի, այլև կազմակերպության կամ երկրի համար:
Թվային կառավարման հիմնական ոլորտները ներառում են՝
Քաղաքականության մշակում - կանոնների և ուղեցույցների ստեղծում, որոնք կարգավորում են թվային տեխնոլոգիաների օգտագործումը ընկերության ներսում:
Տվյալների կառավարում - տվյալների հավաքագրման, պահպանման, մշակման և փոխանակման գործընթացների կառավարում՝ անվտանգության և գաղտնիության ապահով-ման նպատակով:
Ռիսկերի կառավարում - թվային տեխնոլոգիաների հետ կապված ռիսկերի բացահայտում և մեղմացում (կիբեր սպառնալիքներ, տվյալների խախտումներ, տեխնոլոգիական ձախողումներ):
Հաշվետվություն - թվային նախաձեռնությունների, դերերի և պարտականությունների հստակեցում, վերահսկողության և հաշվետվողականության մեխանիզմների ստեղծում:
Կարողությունների զարգացում - կազմակերպությունների ներսում հմտությունների և կարողությունների զարգացում` թվային ռեսուրսներն արդյունավետ կառավարելու և կազմակերպչական նպատակներով տեխնոլոգիան օգտագործելու համար:
Այլն...
Թվային կառավարումը կանոնների, քաղաքականությունների, մոտեցումների ամբողջություն է, որոնք ուղղորդում են, թե ինչպես կիրառել թվային տեխնոլոգիաները կազմակերպությունում և ոչ միայն: Արդյունավետ թվային կառավարումն օգնում է ապահովել անվտանգություն և արդյունավետ աշխատանք:
