«Կառավարչական հմտություններ» թեմայով դասընթաց
Աշխատանքային հարաբերությունների արդյունավետության ու կայունության հենասյուներից մեկը հաղորդակցման որակն է, որն իր հերթին պայմանավորված է այնպիսի անձնային ու մասնագիտական հմտություններով, ինչպիսիք են ժամանակի արդյունավետ կառավարումը, կոնֆլիկտների կառուցողական լուծումը, հաջող բանակցությունները, սթրեսի կառավարումը և այլն։
Կարևորելով փափուկ հմտությունների շարունական բարելավումը և զարգացումը` ՀՀ ՊԵԿ կառուցվածքային ստորաբաժանումների աշխատակիցների համար «Կառավարչական հմտություններ» թեմայով դասընթաց վարեց «Էթիկայի Դպրոցի» համահիմնադիր և զարգացման գծով տնօրեն, «Insights» ընկերության հիմնադիր տնօրեն, ՌԴ «Հաղթողների Ակադեմիայի» (Winners Academy) սերտիֆիկացված ինտելեկտ դասընթացավար Արմեն Ղուկասկյանը։
Դասընթացի նպատակն էր մասնակիցներին փոխանցել՝
- Ժամանակի պլանավորման, առաջնահերթությունների որոշման և ժամանակահատվածների արդյունավետ օգտագործման գործիքներ,
- Մասնակիցներին զինել կոնֆլիկտի պատճառները հասկանալու, տարբեր տեսակների միջև տարբերություն դնելու և դրանք արդյունավետորեն կարգավորելու մեթոդներով,
- Խթանել շահերի փոխըմբռնման, շահեկան լուծումների որոնման և համաձայնությունների ձևակերպման կարողությունները։
- Ըմբռնել ու զարգացնել սեփական և ուրիշների հույզերը ճանաչելու, վերահսկելու և դրական նպատակներով օգտագործելու կարողությունը,
- Բարելավել էմպատիան, հաղորդակցությունը և թիմային համագործակցությունը,
- Տրամադրել գործնական մեթոդներ և տեխնիկաներ՝ սթրեսին դիմակայելու, վերականգնվելու և հոգեկան հավասարակշռությունը պահպանելու համար։
