Դասընթաց Ագարակ սահմանային անցակետում

2025 թվականի սեպտեմբերի 12-18-ը Ագարակ սահմանային անցակետում ՀՀ ՊԵԿ «Ուսումնական կենտրոն»-ը  կազմակերպեց «Պետական սահմանի ցամաքային անցման կետերում իրականացվող մաքսային հսկողության առանձնահատկությունները» թեմայով դրսեկային դասընթաց։

Դասընթացի նպատակն է զարգացնել մաքսային ծառայողների գործնական հմտությունները և բարձրացնել գործառնական արդյունավետությունը։

Մեկշաբաթյա ծրագրի ընթացքում մասնակիցները հնարավորություն ունեցան անմիջապես կիրառելու իրենց ստացած գիտելիքները՝ այդ կերպ ապահովելով տեսական և գործնական բաղադրիչների օպտիմալ համադրություն։ Դասընթացը խթանեց համակարգված մոտեցումը մաքսային հսկողության գործընթացներում՝ նպաստելով ինչպես անհատական, այնպես էլ թիմային աշխատանքի արդյունավետության զգալի աճին։

Ծրագրի հիմքում դրված է գործնական հմտությունների կատարելագործման և դրանց նպատակային կիրառման սկզբունքը, ինչը կարևոր է յուրաքանչյուր մաքսային ծառայողի մասնագիտական առաջընթացի համար։  

ՀՀ ՊԵԿ «Ուսումնական կենտրոն»-ը կարևորում է ՊԵԿ աշխատակիցների շարունակական կրթությունն ու մասնագիտական զարգացման հնարավորությունների ապահովումը  որպես աշխատանքի արդյունավետության և որակի բարձրացման առանցքային գործոն։