ՊԵԿ-ը որպես գրավիչ գործատու 5-րդ հորիզոնականում է

   ՀՀ պետական եկամուտների կոմիտե / State Revenue Committee of Armenia Հայաստանի գրավիչ գործատուների ցանկում զբաղեցնում է 5-րդ հորիզոնականը՝ հարցման արդյունքում նշված ավելի քան 500 կազմակերպության շարքում։

   Հունվարի 31-ին կայացավ «Հայrate» 2024-ը, որի ընթացքում պարգևատրվեցին ուսանողների կողմից ընտրված Հայաստանի 10 գրավիչ գործատուները։

  «Հայrate»-ը Հայաստանի ՄՌ Ասոցիացիայի և Գրանթ Թորնթոն Հայաստանի ընկերության կողմից համատեղ իրականացվող նախաձեռնություն է, որի շրջանակներում հարցում են իրականացնում Հայաստանի առաջատար ԲՈւՀ-երի ուսանողների շրջանում նպատակ ունենալով՝

• շեշտադրելու գործատուների գրավչությունը աշխատաշուկա մուտք գործող երիտասարդների շրջանում (կարիերայի աճի հնարավորություններ, թիմային մշակույթ, լավ ղեկավարի առկայություն, աշխատավարձ, աշխատավայրի պայմաններ, այլն) և
• բացահայտելու՝ որքանով հասցեական են իրենց բրենդի ճանաչելիության բարձրացման ուղղությամբ գործատուների ձեռնարկած միջոցառումները ուսանողների շրջանում:

   2024-ի հարցմանը մասնակցել են շուրջ 2200 ուսանողներ՝ ազատորեն արտահայտելով իրենց կարծիքը և նշելով տարվա լավագույն գործատուներին՝ անկախ ոլորտից։

   «Հայrate» 2024-ի Top 10 գրավիչ գործատուները՝ ըստ հարցմանը մասնակցած ուսանողների քվեարկության

1. Ameriabank CJSC
2. Digitain Armenia
3. Picsart
4. Central Bank of Armenia
5. ՀՀ պետական եկամուտների կոմիտե / State Revenue Committee of Armenia
6. Acba bank OJSC
7. Ardshinbank CJSC
8. Synopsys Armenia
9. SoftConstruct
10. ServiceTitan