Հարկային և մաքսային ծառայողները զարգացնում են արհեստական ինտելեկտի (AI) կիրառման հմտությունները

Առաջատար տեխնոլոգիաների յուրացմանն ուղղված նախաձեռնությունների շրջանակում հարկային և մաքսային ծառայողները մարտի 19-ին և 21-ին մասնակցեցին արհեստական բանականության (AI-Artificial intelligence) կիրառման հմտությունների զարգացման  ինտենսիվ դասընթացի՝ ՊԵԿ Ուսումնական կենտրոնում:

Ծրագիրը, որն ուղղված է Chat GPT-ի և արհեստական ինտելեկտի այլ նորարարությունների ինտեգրմանը հանրային ծառայության գործառնություններին, ղեկավարեց «AMCG» ընկերության մարքեթինգի տնօրեն Գրիշա Հովսեփյանը, ով ոլորտի հմուտ մասնագետներից է՝ արհեստական ինտելեկտի ուսուցման իր մեծ փորձով:

Դասընթացը սկսվեց արհեստական ինտելեկտի սկզբունքների ուսումնասիրությամբ՝ ստեղծելով ամուր հիմք վերջինիս փոխակերպիչ ազդեցությունը հանրային ծառայությունների արդյունավետության վրա հասկանալու համար: Գրիշա Հովսեփյանի ուղղորդմամբ մասնակիցները ուսումնասիրեցին AB աշխատանքային մոդելները, GPU-ների կարևոր դերակատրումները Տեղեկատվական միավորում և AB գործիքների արդյունավետությունը, երբ դրանք կիրառվում են տարբեր AI մոդելներում կամ դրանց համակցություններում:

Դասընթացի հիմնական բովանդակությունը կենտրոնացած էր AI-ի հայտնի տեխնոլոգիաների կիրառական մոդելների վրա, ինչպիսիք են ChatGPT-ը, Copilot-ը և Gemini-ն: ՊԵԿ աշխատակիցներին ներկայացվեցին առաջադեմ լեզվական մոդելներ և ռազմավարական շրջանակներ, ինչպիսիք են APE-ն (Գործողություն, Նպատակ, Ակնկալիք), CREATE-ը, RACE-ը (Դեր, Գործողություն, Համատեքստ, Ակնկալիք) և TAG-ը (Առաջադրանք, Գործողություն, Նպատակ): Պարոն Հովսեփյանի փորձագիտական ցուցումով տրված այս պատկերացումները նպատակ ունեին հզորացնել մասնակիցների արհեստական ինտելեկտը օգտագործելու հմտությունները՝ որոշումներ կայացնելու և իրենց գործունեության արդյունավետության բարձրացման նպատակով:

Դասընթացի ընթացքում անդրադարձ եղավ նաև ֆինանսական տեխնոլոգիաների էվոլյուցիային AB գործիքների միջոցով, ընդ որում դասընթացավարը կարևորեց AI-ի փոխակերպիչ ազդեցությունը բանկային համակարգի, հարկային և մաքսային վարչարարության և ֆինանսական կառավարման վրա: GPT-ների ներդրումը ֆինանսական հատվածում, ներառյալ ֆինանսական տեխնոլոգիաներին օգնող գործիքների կիրառումը, ընդգծեց AI-ի ներուժը՝ պարզեցնելու բարդ ֆինանսական խնդիրները և բարելավելու գործընթացի արդյունավետությունը:

Դասընթացի ավարտին ներկայացվեցին AB այնպիսի գործիքներ, ինչպիսիք են Grammarly-ն, Perplexity AI-ն, Compose AI-ն, UiPath-ն և Herpa AI-ն՝ ցուցադրելով աշխատանքի արդյունավետությունը կտրուկ բարձրացնելու նրանց կարողությունները: Դասընթացավարի մատուցած տեղեկատվությամբ մասնակիցները սովորեցին, թե ինչպես այս գործիքները կարող են նվազագույնի հասցնել ծանրաբեռնվածությունը, բարձրացնել ճշգրտությունը և պարզեցնել հարկային և մաքսային գործառնությունները:

Պետական կառավարման գործառույթներում առաջադեմ տեխնոլոգիաների ներդրման գործընթացում կարևոր ներդրում է  այսպիսի  դասընթացների կազմակերպումը: Հարկային և մաքսային մարմինների աշխատակիցներին արհեստական ինտելեկտի նորագույն գործիքներով և գիտելիքներով զինելով՝ նախաձեռնությունը նպատակ ունի վերասահմանել ստանդարտները գործառնական արդյունավետության, ճշգրտության և նորարարության հանրային ծառայության շրջանակներում: